Dermatolog

Bilasizmi, teri ham a’zo hisoblanadi? Insondagi eng katta a’zo aynan teri bo‘lib, shu sababli u tashqi salbiy ta’sirlarga boshqalarga qaraganda ko‘proq duch keladi.

Teri, uning tuzilishi, faoliyati, himoyasi, shuningdek terining qo‘shimchalari hisoblangan soch va tirnoqlarni o‘rganuvchi tibbiyot sohasi dermatologiya deb ataladi (yunoncha “derma” — teri va “logos” — ta’limot so‘zlaridan olingan).

Dermatolog shifokor teri, tirnoq va soch kasalliklari hamda patologiyalarini diagnostika qilish, davolash va oldini olish bilan shug‘ullanadi.

Dermatolog yo‘nalishlari

Dermatolog — umumiy mutaxassislik hisoblanadi. Bundan tashqari, tor yo‘nalishdagi mutaxassislar ham mavjud:

• Trixolog — soch va bosh terisi muammolari bilan shug‘ullanadi.
• Dermatovenerolog — jinsiy yo‘l bilan yuqadigan teri infeksiyalarini o‘rganadi.
• Onkodermatolog — dermatologiya va onkologiya yo‘nalishlari kesishmasidagi mutaxassis bo‘lib, teridagi yaxshi va yomon sifatli o‘smalar bilan ishlaydi.
• Dermatokosmetolog — kosmetologik muolajalar yordamida teri muammolarini bartaraf etadi.