Qalqonsimon bez gormonlari tahlili: TTG, T4 va antitanachalar
Qalqonsimon bez gormonlari — Doctor K laboratoriyasida eng ko‘p topshiriladigan gormon tahlillari. Ular qalqonsimon bez qanday ishlayotganini ko‘rsatadi, bez esa moddalar almashinuvi, yurak, vazn, kayfiyat va hayz sikliga ta’sir qiladi.
Qaysi tahlillar topshiriladi
- TTG (tireotrop gormon) — gipofiz gormoni, qalqonsimon bezni boshqaradi. Tekshiruv odatda shundan boshlanadi.
- Erkin T4 — qalqonsimon bezning asosiy gormoni. Ko‘pincha TTG bilan birga topshiriladi.
- TPOga antitanachalar (AT-TPO) — qalqonsimon bezda autoimmun yallig‘lanish bor-yo‘qligini aniqlashga yordam beradi.
Sizga qaysi tahlillar kerakligini shifokor hal qiladi. Bitta tahlilni ham, masalan faqat TTGni topshirish mumkin.
Qachon tekshirish kerak
- Doimiy holsizlik, uyquchanlik yoki, aksincha, asabiylik va yurak tez urishi.
- Vazn sababsiz o‘zgaradi.
- Sovqotish yoki terlash, quruq teri, soch to‘kilishi.
- Hayz sikli buzilishi, homiladorlikni rejalashtirish.
- Yaqin qarindoshlarda qalqonsimon bez kasalliklari bor.
- UZIda qalqonsimon bezda o‘zgarishlar topilgan.
Bunday belgilar boshqa holatlarda ham bo‘ladi, shuning uchun natijani shifokor tushuntiradi.
Qanday tayyorlanish kerak
- Qonni ertalab, imkon bo‘lsa och qoringa topshiring. Toza suv ichish mumkin.
- Qalqonsimon bez gormoni preparatlarini qabul qilsangiz, tahlilni ertalabki tabletkadan oldin topshirish kerakmi — shifokordan so‘rang.
- Biotin (B7 vitamini) yoki u bor vitamin komplekslarini ichsangiz, shifokorga ayting: biotin gormon tahlillari natijasini buzishi mumkin.
- Bir kun oldin spirtli ichimlik va og‘ir jismoniy yuklamadan voz keching, tahlildan 1 soat oldin chekmang.
- Takroriy tahlillarni bitta laboratoriyada topshirgan qulay — natijalarni solishtirish oson bo‘ladi.
Qibrayda qayerda topshirish mumkin
Doctor K’da gormonlar IXLA usulida YHLO iFlash 1200 analizatorida aniqlanadi. Qon dushanbadan shanbagacha 08:00 dan 14:00 gacha, yo‘llanmasiz topshiriladi, yozilganlar — navbatsiz. Natija odatda shu kuni tayyor — 30 daqiqadan 5 soatgacha. Shu binoda endokrinolog Tashpulatova Nadira Xamidullayevna (16 yoshdan) qabul qiladi va qalqonsimon bez UZIsi, jumladan doppler bilan, qilinadi.
Savol va javoblar
Yo‘llanma kerakmi?
Yo‘q. Tahlillarni shifokor yo‘llanmasiz topshirish mumkin.
Faqat TTG topshirsa bo‘ladimi?
Ha. Yana qaysi tahlillar kerakligini endokrinolog aytadi.
Natijani qanday olaman?
Klinikada qog‘ozda yoki Telegram orqali.
Narxi qancha?
Narxni administrator aytadi: +998 99 933-03-03.
Endokrinolog → · Laboratoriya → · Tahlillarga tayyorgarlik →
Bir daqiqada yoziling
Administrator ish vaqtida 5 daqiqa ichida qo‘ng‘iroq qilib, shifokor va vaqtni tanlab beradi. Yozilganlar navbatsiz qabul qilinadi.
- 1Saytda, Telegramda yoki telefon orqali ariza
- 2Administrator 5 daqiqada qo‘ng‘iroq qiladi
- 3Belgilangan vaqtda navbatsiz qabul
Du–Sha 08:00–20:00 · Qibray, Alisher Navoiy ko‘chasi, 104a-uy
Onlayn ariza
Ism va telefonni kiriting — qolganini qo‘ng‘iroqda aniqlash mumkin.